Халықаралық «Болашақ ойындары – 2026» турнирі 2026 жылғы 29 шілде мен 9 тамыз аралығында Астана қаласында өтті. Жарысқа әлемнің 50-ден астам елінен 800-ден астам қатысушы жиналып, цифрлық және классикалық спортты ұштастыратын 8 фиджитал-спорт түрінен бақ сынады. Турнир әлем бойынша 453 миллионнан астам қаралым жинады.
Халықаралық іс-шараны өткізуге қажетті жағдайларды қамтамасыз етуде Шаруашылық қамтамасыз ету департаменті де маңызды рөл атқарып, әуежай инфрақұрылымын ресми делегацияларды, спортшылар мен қонақтарды қабылдауға кешенді түрде дайындауды қамтамасыз етті.
Дайындық жұмыстары аясында алғашқы тұлғаларды, VIP-қонақтар мен турнир қатысушыларын қарсы алу және шығарып салу ұйымдастырылды, аумақтарды абаттандыру және санитариялық тазалау, терминалдарды брендтеу, жолдарды жарықтандыру және жол таңбасын жаңарту жұмыстары жүргізілді. VIP және бизнес-терминалдарды дайындауға, сондай-ақ волонтерлік корпус жұмысына қажетті жағдайлар жасауға ерекше назар аударылды.
Департаменттің бастамасымен жолаушылардың шекаралық бақылаудан өтуі мен багажды алу үдерістерін жеделдетуге бағытталған қосымша шаралар қабылданды. Сонымен қатар терминалдардың инженерлік жүйелерін тексеру және жетілдіру, оның ішінде қолайлы температуралық режимді қамтамасыз ету бойынша жұмыстар жүргізілді.
Үйлесімді жұмыстың нәтижесінде әуежай инфрақұрылымы нысандарының турнирді өткізуге және оның қатысушылары мен қонақтарына үздіксіз қызмет көрсетуге толық дайындығы қамтамасыз етілді.
Шаруашылық қамтамасыз ету департаментінің қосқан үлесі командалық жұмыстың ажырамас бөлігіне айналып, оның нәтижесінде Астана осындай ауқымды халықаралық турнирді жоғары ұйымдастырушылық деңгейде қабылдауға мүмкіндік алды.
